MLIBOTEMƆ
Yɛ afi ni ji 1971 lɛ mli lɛ, Ghana Baiblo Kuu (Bible Society) lɛ gbe Kpãŋmɔ Hee lɛ naa, ni ajie wolo lɛ kpo. No sɛɛ lɛ aje Kpãŋmɔ Momo lɛ, mlisaamɔ kɛ mlikwɛmɔ hu shishi. Akɛni gbele gbe wɔ saŋŋ hewɔ lɛ nitsumɔ lɛ bɔ̃i ekoŋŋ yɛ afi ni ji 1985 lɛ mli. Ŋmɛnɛ, Yehowa dromɔ naa lɛ, wɔgbe Kpãŋmɔ Momo lɛ hu naa yɛ afi ni ji 2001 nɛɛ mli.
Jeŋjeŋ fɛɛ Baiblo Kuu lɛ yebua Ghana Baiblo Kuu lɛ kɛ shika babaoo. Ghana Kristofoi jɛ amɛsuɔmɔ mli amɛhã shika kɛ gbɔmɛi babaoo kɛhã nitsumɔ lɛ mli kwɛmɔ. Mɛi komɛi hu sɔle koni nitsumɔ lɛ aya nɔ.
Adamɔ Hebri (Hebrew) kɛ Hela (Greek) blema Ŋmalɛ Krɔŋkrɔŋi Awoji lɛ anɔ atsɔ̃ɔ Hebri kɛ Hela wiemɔi lɛ ashishi kɛba Ga krɔŋŋ mli. “Good News Bible” lɛ kɛ Ŋmalɛ Krɔŋkrɔŋ Woji srɔtoi pii hu wa nitsumɔ lɛ waa diɛŋtsɛ kɛhã yitsei lɛ amli jaramɔ nɛkɛ.